39
Ас әзірлеу бойынша нұсқаулық
Қуыру кезінде сұйық май мен май өте тез қызатынын ұмытпаңыз, әсіресе Power-
Boost функциясын қолданған кезде. Өте жоғары температурада сұйық май мен
май өздігінен жанып, өрттің үлкен қаупін тудырады.
Ас әзірлеу бойынша кеңестер
yСұйықтық қызғанда қуатын азайтыңыз.
yҚақпақ қолдану жылуды сақтау арқылы ас әзірлеу уақытын азайтады және энергия
үнемдейді.
yАс әзірлеу уақытын азайту үшін сұйықтық не май мөлшерін азайтыңыз.
yЖоғары температурада дайындай бастаңыз да, тағам қызғанда оны азайтыңыз.
Бұқтыру, күріш әзірлеу
yБұқтыру қайнау шегінен төмен, 85˚C-қа жуық температурада, қайнап жатқан сұйықтық
бетіне әлсін-әлсін көбік шығып тұратын жағдайда орындалады. Бұл дәмді сорпалар мен
нәзік бұқтырылған тағамдарды дайындау үшін өте қажет, өйткені жақсы дәмге тағамды
артық пісірусіз қол жеткізіледі. Одан бөлек, қайнау шегінен төмен температурада
жұмыртқа мен ұнға негізделген тұздықтар жасауға болады.
yСіңіру әдісімен күріш дайындау секілді кейбір процестерде тағам кеңес берілген мерзімде
дайын болу үшін ең төмен температурадан жоғарылау баптау қажет болуы мүмкін.
Стейк қуыру
Сөлді әрі иісі мұрын жаратын стейк әзірлеу:
1. Даярлау алдында етті 20 минуттай бөлме температурасында ұстаңыз.
2. Түбі қалың табаны қыздырыңыз.
3. Стейктің екі жағына май жағыңыз. Ыстық табаға аздап май себіңіз, содан кейін етті ыстық
табаға салыңыз.
4. Әзірлеу барысында стейкті бір рет қана аударған жөн. Нақты әзірлеу уақыты оны
қаншалықты қуырғыңыз келетініне байланысты. Пісіру уақыты - әр жағынан шамамен
2-ден 8 минутқа дейін. Стейктің дайын болғанын тексеру үшін басып көріңіз – неғұрлым
қатты болса, қуыру деңгейі соғұрлым жоғары.
5. Дастарқанға қойғанда стейк жұмсару үшін оны бірнеше минут жылы тәрелкеге салып
қойыңыз.
Майға тез қуыру - стир-фрай
1. Индуктивті өрісте қолдануға жарамды беті тегіс вок немесе үлкен таба таңдаңыз.
2. Барлық ингредиент пен асхана аспаптарын дайындаңыз. Майға қуыру тез жүзеге асуға
тиіс. Көп тағам әзірлегенде аз-аздан бірнеше рет дайындаған жөн.
3. Табаны сәл қыздырып, екі ас қасық май құйыңыз.
4. Алдымен етті дайындап қойыңыз және жылы күйінде сақтаңыз.
5. Көкөністерді араластыра отырып қуырыңыз. Көкөністер қызған кезде ас әзірлеу
аймағындағы температураны бәсеңдетіңіз, етті ыдысқа қайта салып, тұздық қосыңыз.
6. Барлық ингредиентті күйдіріп алмау үшін абайлап араластырыңыз.
7. Бірден дастарқанға қойыңыз.
m
Добавить комментарий